Lunch @ Casablnca Oyster Steak Restaurant

同事過兩天生日...本來約好明天Friday Lunch, 不過剛巧今天齊齊無飯帶,所以就提早一天去食Birthday Lunch喇.

今次同事選了這間西餐廳, 味道不錯之餘, 價錢亦好合理, 絕對可以再Encore...

其實於尖東這邊隨便食個Lunch, 平均消費都要$35-$50, 所以要我多付幾十元, 就可以吃得如此豐富的話, 個人認為是值得.  (加上返工辛苦, 間唔中都要待自己好一點)

是次一行五人, 四人點了肉眼扒, 一人點了鯛魚柳, 雖然我點的肉眼扒看似細細件, 但加了餐湯, 蒜蓉包, 沙律及餐飲後, 肚子已填得滿滿.  若然男士們怕分量不夠填滿肚子, 更可要求餐廳免費加意粉呢, 讚讚讚~

Pampers 用家分享

繼月初時拿得兩包56片裝尿片試用後, 只要再於指定時間內提交用家分享, 就有機會拿走$500超市Coupon, 結果等呀等...我終於收到Message, 去拿取Coupon呢, 哇咔咔咔!! 

而我的分享和小B相更於BK刊登了出來... 

資料來自: http://www.baby-kingdom.com//customer/pamper/site/pampers_20130507_view.php?page=1

生日禮物

小B媽我未到生日...已經提早收到生日禮物, 因為小B契媽忍唔住手, 又買了波鞋給小B.  剛好媽媽我下個月生日, 所以契媽就把它當成生日禮物送給我喇.

自從有了小B之後, 朋友們送我的生日禮物, 我全都不能受惠, 因為大家挑選的東西大都集中在小B身上...

不過媽媽我好大方, 不會跟小B計較, 而且對所有收到的禮物亦同樣喜歡.

今次先多謝小B契媽嚕~~~~~~~~ 

路不拾遺

今天跟陳生做了一件好事, 就是把從小巴上拾到的電話交還機主, 因為我們深信好心一定會有好報囉! 

奉勸各位每逢上落車時, 真要好好看清楚自己座位有否留下私人物品, 萬一真的遺失了貴重物品, 未必一定每次都可以好彩遇上好心人啊.

今次當我們拾到電話的一刻, 就打算要等機主來電取回, 結果等了個多小時後, 終於找回了機主啦.

希望機主要小心, 不要再有下一次嚕~

小B又去探表姨

自從我表舅父細囡出世後, 我們兩家人的見面次數立即飆升了不少, 從前一年都見不到一次, 但自我表妹仔出世至今將近八個月, 我已經見過她好像五次了.  不過我媽跟這個表舅父的關係向來不錯, 只是因為大家住得太遠才少了見面, 據我所知他們每星期都有通電話架, 哈哈!!  現在我媽湊孫, 我表舅父湊囡, 話題當然又多了不少啦, 更因為兩小表姨甥年紀相約, 所以大人們會想找多些機會給他倆相處溝通.

一見面我那位熱情如火的小B又忍不住要抱抱表姨啦.  (雖則人家輩份比你大, 但我知你只會當人家是Baby)

左面那張 - 表妹仔未懂企, 但婆婆把她放在地上, 結果小B突然從後扶著她, 好好笑呀~ 

右面兩張 - 擺明就是小B硬要抱抱啦...

其實我發覺小B都幾照顧BB架...

例證一: 小B見表姨被放到學行車坐而哭時, 竟然攪笑得走過去摸摸表姨頭, 示意叫她不要哭.

例證二: 表姨扭眼訓, 哭得眼水鼻水都流出來時, 小B竟然從台上拿起紙巾幫表姨抹抹.

雖然見到這個情景真的覺得好好笑, 但媽媽我又真的不得不讚小B乖巧啊!!  (若然將來小B你有機會做家姐, 媽媽希望你同樣可以好好愛鍚+照顧弟妹  ) 

兩個BB在一起時, 少不免一定會爭野玩, 不過今次爭的不是玩具而是鎖匙.    當然不用多說小B比人家大9個月, 而且又會行會走, 又怎會輸給一個只懂坐著的BB呢.  最後表姨都唔執輸, 見小B唔肯讓佢, 就出陰招除小B的襪襪, 但最好笑的是小B見表姨除了那麼久都仍未除得下, 最後竟然自己把它除掉再塞到表姨手中, 嘩哈哈哈~

今日你兩隻小豆丁實在帶給我們太多歡樂啦!!

麻甩仔?!

究竟小B你係男仔定女仔呀?  點解你可以咁麻甩既?!   

小B:  唔關我事呀, 係爸爸幫我著成咁咋...

小B媽:  靜靜話你知, 之前同爸爸行街, 爸爸一見到呢條短褲, 就話一定要買俾你, 明明同款有粉紅色For女仔, 不過佢話你著呢條會好笑D喎.  但媽媽我都有買埋粉紅色架, 但就放左係婆婆屋企囉, 我諗婆婆應該未俾你著.

小B:  其實爸爸係咪想要個細佬, 所以成日幫我扮到成個仔咁款呀?

小B媽:  無可奉告

小B:  .......

Trial Playgroup @ Kidsquare

4月中時小B有幸被Kidsquare的Yvonne姐姐邀請去試堂, 那媽媽我就遷就小B爸放假才一起去, 最終於剛過去的週六試堂了, 而且費用是全免的!! 

上課時間為1:15 - 2:15, 剛巧遇上小B的午睡時間, 結果...小B眼訓, 當然會有點扭計, 但一小時的課堂裡, 小B表現仍算可以, 始終有得玩嘛, 所以眼訓這些小事可拖延一陣子才再睡, 最後落堂要走啦, 終於大喊收場囉.  當大家以為小B不捨得放低手上的Bear Bear熊而喊時, 其實小B已經眼訓到極點, 結果一落樓, 小B馬上就去找周公子啦.

今次我們預早了點到Kidsquare, 未正式上堂前, 有位老師(Miss Ho)帶了小B到課室玩玩具, 好讓小朋友們先來個熱身.   待小朋友到齊...夠鐘上堂, 小朋友們就要一起收拾玩具準備上堂.  上堂前老師會先點名, 要小朋友舉手示意到, 不過小B唔識做, 因為之前一直都無教過她這樣做嘛, 但我見有小朋友真的可以做到, 真心覺得那位小朋友好叻叻.  課堂主要用英語, 跟之前上的Playgroup一樣, 但究竟小B明唔明呢, 真的不得而知, 所以每次上Playgroup, 我都會在她耳邊做翻譯, 其實我都不知道應否這樣做, 但起碼可讓她跟上嘛. 

今次Playgroup有唱遊, 故事及親子勞作, 一小時的上課時間過的超快, 或許因為當中無悶場的關係.  (還記得上次去Little Dream, 短短45分鐘, 竟然有媽媽上到一半就頂不住, 說不知道老師在做什麼, 無聊至極, 結果中途走了)  今次當然沒有出現這些場面啦, 媽媽我恨不得唔走添啵, 哈哈.  因為我真心覺得那位Miss Ho教得不錯, 而且亦好細心.  今日Miss Ho教小朋友要有禮貌, 如老師把東西給他們時要鞠躬示意Thank You, 起初小B是不懂的, 但回家後小B爸重覆了好幾次, 現在小B已經學懂Thank You時要鞠躬啦, 最好笑是小B未懂發Thank音, 每次鞠躬時就只會講"橋", 非常好笑.  原來上Playgroup不止是給小朋友去玩, 而是可以真正學到知識, 我想我真要認真考慮帶小B去上Playgroup了.

至於今次內容是以Caterpillar為題, 但我相信小B應該未知這是什麼來.

看...小B好唔怕醜兼老實不客氣地坐在Miss Ho上~

爸爸跟小B玩毛毛蟲...這條毛毛蟲是小B的勞作啊.

下課啦, 小B硬是要跟YoYo囡玩, 其實你那麼熱情如火, 會否怕人家被你嚇壞呢?! 

總結這堂Playgroup, 老實說我是蠻喜歡的, 除了一小時的課堂外, 下課後老師還會跟家長講解課堂內容, 小朋友的情況, 以及給家長們一些Flash Card, 教我們回家後可如何教小朋友等, 最後還有電郵給我們提示.  問心...這是我暫時遇到一間覺得最認真的Learning Center, 所以我當然希望給小B在這裡上堂啦.  不過家住新界區嘛, 所以如要去港島區上課好像遠了一點點, 但如果從婆婆家出發呢, 那就方便得多喇, 唉...究竟點好呢?! 

如果爸爸未能放假, 我自己一人又可否帶小B去到灣仔上堂呢?!  巧矛盾呀....



若然大家都有興趣去試堂, 可以嘗試跟Kidsquare的Yvonne聯絡.

Website: http://www.kidsquare.com.hk/

Homemade Pancake

假期第三天, 一家三口宅在家, 既然無事做, 等我又攪攪新意思先...

已經講過好多次, 我是一個無飯煮婦, 就連沒什麼難度的菜式都不會做, 所以陳生又豈會奢望陳太我入廚丫. 
 
不過前天帶小B去同事家中作客時, 同事教了我整Pancake, 我見小B食得好滋味, 所以今日就想親手整給兩位老闆試試看喇.

結果大老闆話麥當當的好食好多...幸好我仍有位小老闆做我捧場客.

其實我自己都覺得不夠同事做的好, 但未至於難食囉, 下次..下次我一定會做得更好, 希望下次陳生仍會願意一試, 哈哈!!

賣相不太討好, 但這還是我的第一次嘛, 就給個面子讚讚吧, 哇咔咔咔咔~~~~~~~~

汗疹救星

前幾天小B頸上的汗疹非常嚴重, 最後就連背部及心口都長出汗疹來, 幸得友人及好心媽媽TANG C 9 介紹我用寶貝濕疹膏, 結果用了數次, 小B的汗疹真的好轉了不少, 雖然皮膚仍未及之前白滑, 但只要有恆心多搽幾天, 相信小B的白滑皮膚好快就會重現...

真沒想到這支寶貝濕疹膏竟成了我小B的救星呢~

只是廿多元一支的藥膏, 竟然非常見效, 真的大讚呀!! 

汗疹

最近天氣開始熱...小朋友大汗在所難免, 但我們又不能夠長時間開著冷氣給他們, 結果熱到出熱痱/汗疹, 又該如何是好呢?

近排見小B一熱, 頸上就會長出紅疹來, 有時見她還會用手不停去"抓", 究竟這是熱痱還是汗疹?  (早前於fb, 好像見媽媽有講過是汗疹來...)

但只要開著冷氣給她, 這些汗疹好快就會漸漸減退, 不過始終未完全退去時, 一熱就會起得超快.

其實去年小B都有遇上同樣的問題, 但並不嚴重, 每次只要塗少許醫生開的熱痱藥膏就好快沒事, 不過藥膏現在放在那呢, 已經找不到了. 

今年夏天才剛開始, 但問題比起去年嚴重得多, 所以想請教媽媽們, 可以塗些什麼或怎樣可減少出汗疹的機會呀? 

搬尿片大賽

星期六小B參加了人生第一個比賽, 就是BK舉辦的搬尿片大賽喇.

雖然比賽到最後都輸了, 但這是給小B一個好好的經驗呀, 而且小B亦都玩得好開心, 所以若然下次再有同類型的活動, 媽媽我還是會繼續幫小B報名參加的.

今次比賽於Mega Box L5舉行, 我們準時十時半到達會場登記, 再去"100分"食個早餐, 回到L5....比賽剛剛開始.

雖然比賽已經進行中, 但因為小B被安排在第7場才出賽, 所以我們仍有時間可讓小B看看其他BB如何搬尿片. 

誰不知...看了一會兒, 小B已經急不及待要進場啦, 但未到時間出賽, 我們只能站在欄外呀, 小B心急得很, 見我們不帶她進比賽範圍, 竟然扭計.

幸好...好快就到小B出賽啦, 一入去脫下鞋子, 等齊6位BB, 就正式開始...

一開始小B見其他BB已經開步行, 她快快就跟上去, 到對面搬尿片過來給媽媽.  眼見好多BB都不受控制, 有的行到一半就坐在地上, 有的就依然站在起點不肯開步行, 有的行到對面只顧著玩尿片而未有搬給媽媽, 好彩小B好叻...起勢來回搬尿片給媽媽我, 不過2號線的男BB實在太強啦, 最後就差一包尿片輸了給2號線.

經過參與這些活動, 令我更加肯定小B係一個唔怕醜加唔怕陌生的BB, 不知道這是好還是壞了, 哈哈~ 

比賽贈品...

新飯壺

由於小B已經食飯仔而不再是粥仔, 所以用熱水壺放飯仔已經不行了,  飯仔太杰身, 每次要倒出來食都非常困難, 只是媽媽我一直懶懶閒, 未有行動去買.  今次在爸爸催速下, 終於買了個新飯壺啦...  哈哈, 又是我最愛的Mickey呢, 不過顏色卻不是我喜歡的!!

其實起初根本沒打算要買Mickey, 只是剛打算付款一刻, 突然讓我見到了此款飯壺, 而且只需$99, 好平啊!!

最厲害是它寫明3小時可將生米焗成熟粥, 所以就買來一試喇~

暫時試用了一次, 放飯仔後4個多小時, 依然熱辣辣, Good!! 

梳孚B

現今的Baby比起我們想當年真的識嘆得多...

例証一

廿多度天氣, 爸爸見小B熱得滿頭大汗, 結果當然要開冷氣給小公主啦~

例証二
帶小B去反斗城行一圈, 結果她拿著手上的那隻毛公仔不放, 結果爸爸就當然又要買給小公主啦~

例証三
小B要求要睇廸士尼, 爸爸就更加要馬上播給小公主看啦~

最後這位小公主還招積得把腳仔放在Cushion上...真梳孚!!

淘男裝

雖然我經常淘寶買自己衫, 但淘男裝衫就真是頭一次了...

每次老公叫我幫忙代淘的古靈精怪東東, 收貨後他都好不滿意, 有的甚至一淘回來轉頭就於垃圾堆填區再見, 但今次我自己揀來淘給他的Tee, 收貨後他出奇地滿意呢, 就連同事見到都話質地好好...  而且還有IT吊牌, 所以我覺得好大機會是正貨來, 只是白色那件Stussy Tee有點少瑕疵, 但絕不影響穿著, 所以今次真的要讚一讚自己啊!! 

由於老公大部份Tee都只穿一季就要更換, 加上他向來都是買開這幾個品牌的, 經過今次一試, 日後我就可繼續於這店淘給他啦, 那麼又可以省點金錢了, 一舉兩得, Yeah~ 

P.S: 老公好心急, 一剪牌後就丟到洗衣機裡, 人家未影相呀...結果從洗衣機裡拾起來, 就已經"巢蚊蚊"喇!!

補相 - 4.5.2013 (鴨鴨)

今次好快手, 已經收到馬仔哥哥的澳門相和鴨鴨相啦, 不過媽媽我好懶, 未得閒揀相, 但又想藉著今日得閒出篇Post啵, 那就隨便放幾張星期六影的相出來算吧, 哈哈!!

睇鴨鴨時, 小B好像好開心似的, 當然啦...因為姨姨好落力咁tum小B笑嘛~

睇完鴨鴨, 姨姨話不如帶小B去丟錢樂園玩.  每次去到丟錢樂園, 小B都會要求我們玩籃球Game, 今次仲玩到唔願走添...

小B: 嘩...媽媽...原來個籃球大過我個頭咁多架~

媽媽: 當然啦, 所以你小心個籃球壓偏你呀, 哈哈!!

玩了數局籃球Game, 好不容易終於離開了丟錢樂園, 要返婆婆屋企沖涼食飯啦, 不過這個時候小B竟然開始扭計囉...  起初以為她扭玩, 但最後得出扭計原因, 大概應該是肚仔餓, 所以姨姨立刻就走到麵包店買麵包給她邊行邊吃喇.

小B: 媽媽, 你唔好捉住我隻手啦, 我想食包包呀~~~~~~

媽媽: 影張相先啦, 好快食得. 

小B呀小B, 你看大家有多寵你丫!!!!!!!

星級尿片用家分享活動

早前於BK參加了<星級尿片用家分享>活動, 最後有幸成功被抽中, 結果我可以拿得兩包56片裝的特級棉柔呢, Yeah!!

小B: 媽媽...你地將我個頭梳到好似蛋撻咁, 我都忍唔住要自拍番張相留念先得. 

小B亦都大方, 絕不吝嗇地跟大家展示一下她的片片相...

新波鞋

小朋友生長速度非常快...衫褲鞋襪好快就不合穿, 早前姨姨及契媽送的Dr. Kong和Addidas波鞋都已經頂趾了, 其實前後都只是穿了約三個月而已.

最後媽媽我買了這對Nike給小B, 希望小B喜歡啦, 媽媽我就好喜歡喇, 哈哈!! 

不過可能有少少鬆的關係, 小B於第2天穿新鞋上街時, 竟然差點丟了一隻呀, 好彩於巴士臨落車一刻, 有個好心姨姨提示我們拾回, 才不致於丟了新鞋子, 真是有驚無險啊~

Trial Playgroup @ Little Dream (Lesson 2)

相隔了兩星期, 今次是第二堂的Little Dream Playgroup試玩...

由於已經是第二堂的關係, 小B對於這個地方已經不陌生了.  一去到, 前一班還在上堂, 小B竟然心急得馬上想進去.  當前一班的小朋友離開課室後, 小B好快就拖著我走進課室喇, 一入到去當然是要找回她最愛的波波池玩啦.  玩了一會, 是時候要上堂啦...

今次上堂好像只有5位小朋友, 不過都是熟口熟面的, 應該是於第一堂時見過面.

其實小B於Little Dream的兩堂試堂中, 表現都尚算不錯, 今次還間中跟到老師的指令來做呢, 叻叻~ 

但至於教學方面, 比起之前試堂的Praise Education, 這間其實有點Hae, 所以小B爸較喜歡前者多一點.

不過我們到目前為止, 實質只是試了兩間Playgroup, 所以好難去定斷那間好, 那間不好...   所以媽媽我要努力點多找幾間去試堂比較一下才行, 到時再決定報讀與否喇~

留意一下左下那張相, 小B突然主動走到老師面前撩老師呀, 哈哈哈哈.... 

P.S: 期待兩星期後帶小B去Kidsquare體驗另一Playgroup!! 

小B也追鴨

今期流行之 - 追鴨熱...就連我小B都唔執輸, 跟媽媽, 姨姨, 馬仔哥哥一齊去追鴨!!

小B: 鴨鴨, 你可唔可以游近D, 俾我望清楚D呀?  平時我係屋企沖涼玩個幾隻鴨仔好細隻, 無你咁大隻架.  唔該你啦...游近d啦~

小B媽: 小B...呢隻巨鴨唔會游過黎架, 等媽媽我影張相俾你睇, 止住咳先啦, 好唔好?!

小B: 嘩...原來隻鴨鴨真係好巨架~~~~~~~~

小B媽: 咁不如我地影番張相丫!

小B媽: 喂..小B, 你可唔可以望下鏡頭呀?

小B: 媽媽...你唔出鏡, 我都唔望鏡頭喇~ 

小B媽: 媽媽今日唔夠精神, 有d殘樣嘛!!

小B:  咁我地下次同爸爸黎先再影過啦...

小B媽: 哼...你睇呢度場面幾壯觀, 人山人海到咁, 你爸爸肯黎就怪喇.

小B: 有我出馬, 爸爸點都會同我黎多次既, 哈哈~