我的新年願望

去年除夕做了一個簡單2012回顧, 現在已經2013啦, 農曆新年又快將到來, 不如就讓我講講今年的新年願望吧!! 

話時話, 原來我除了生日時會給自己幾個願望之外, 新年又好像真的未試過給自己願望啵.  或許有, 自己都已經忘記, 因為大概往時的願望都應該只會是"早日發達"..."給我嫁個有錢人"之類等等~ 

現在年紀大了, 加上亦已成為人妻+人母, 人當然就要變得實際點啦.

早於1314當日有位要好的親戚不幸病世, 加上幾天前, 我小B又因發高燒而入院, 這兩天我更無情情患上胃炎呢, 結果我就跟上天許下了一個願望喇, 就是新一年希望我小B, 家人, 以及身邊所有朋友都能夠健健康康, 開開心心的活著.  也許有人會認為這個願望有點大貪, 但當人越大, 開始不斷重覆生離死別的場面時, 這些願望自自然然就會成為我最想要的願望啦, 而且能為身邊所有人許下願望, 我覺得是開心的.

好...新年的第一個願望已經許下, 接下來就要為自己許下另一個願望啦, 哈哈!!

其實我有一個願望, 一直都未能夠實現, 但我相信...只要有信念, 只要繼續堅持, 願望總有一日會成真. 

這個願望就如現今大多80後一樣, 希望可以早日上車, 擁有一個屬於自己的蝸居.  雖然距離成功付得起首期上車這條路仍好漫長, 但我始終認為終有一日我們一家一定能夠成功上車的.  現階段, 唯有繼續努力乖乖儲蓄.  而且做人要知足嘛, 現在一家三口生活已比下有餘, 所以能夠成為業主的願望, 我不會刻意去強求.  (當然能夠成真的話, 我會開心到彈起啦)

至於工作方面, 我只求繼續加薪不加辛, 季季有Bonus, yeah~~~

以上這些都是我2013的新年願望, 其實我人真的好簡單, 又唔貪心, 只是3個願望而已.

假如通通都能夠實現, 那我就真是行大運了, 嘩哈哈哈.