小B住院記

03012013
上一篇講到, 小B去健康院打肺炎球菌針, 其實這支針理應不會有太大反應.  不過下午開始小B有幾聲咳呀, 到晚上還有微燒呢, 幸好食過退燒藥後, 好快就已經退燒了.

但為求安心, 加上見小B又有幾聲咳, 所以我都有叫婆婆第二日早上帶小B去看醫生, 免得病情會越拖越壞. 

04012013
婆婆好乖, 一早就帶小B去看醫生啦, 今次醫生說小B患的是感冒, 而且應該起了幾天, 只是我們未有察覺而已.  (我這個媽媽真沒用, 竟然未有發覺小B生病, 雖然早兩天都覺得小B間唔中有鼻塞, 但我以為只是鼻敏感發作, 所以未有為意, 唉...媽媽好失敗呀.)

看過醫生, 吃過藥後, 傍晚時份小B再次微燒起來, 直至晚上十時多, 當我回家後, 突然接到婆婆電話, 話小B發冷+狂打冷震, 手腳亦凍到變白, 那一刻...我心馬上急起來, 叫婆婆帶小B去急症, 而我就飛的到醫院會合他們.  誰不知..小B已由微燒變為了高燒啦, 眼見小B面仔燒到紅卜卜, 真是心痛.  最後因高燒關係, 醫生建議留院觀察, 而我則留下來陪伴小B.

辦妥所有入院手續後, 醫生安排了小B照肺片和抽血化驗, 好慘呀...原本已經唔舒服既小B, 更因為驚而喊到拆天呢.

05012013
最後塞藥+食藥後, 小B依然未見退燒, 整晚於高燒低燒間徘徊, 媽媽我開始擔心, 好怕小B會因此而燒壞腦. 

幸好下午開始, 小B出了一身汗後, 燒亦慢慢減退.

直至晚上, 醫生再來巡房, 說小B因未有退燒多過24小時, 所以要多留院一晚.

唉...今晚媽媽我又無覺好訓啦, 幸好爸爸都有留下來, 我可以稍為休息一下!!

06012013
凌晨時份, 姑娘又來探熱, 好野...已經連續幾小時無再燒, 爸爸媽媽可以放心啦.

早上小B醒來後, 終於變回精靈活潑, 等醫生巡房後, 我們終於可以出院回家, 雖然還未退燒夠24小時, 但醫生好好, 知我們想出院, 所以都批准.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

病病豬...面仔上僅有的肉都消失了, 媽媽我又要叫婆婆好好進行催谷才行啦.