小B於眼訓狀態下上了第一次Playgroup, 幸好有一班哥哥姐姐陪玩, 所以即使唔夠訓, 表現都尚算不錯!!
這堂Playgroup試班, 是於早前團購買下的, $50一堂...$99兩堂, 只是抱著一試心態來買, 所以只買一堂. 若然下次再有團購, 一定會再買其他來試試...
由於小B約時間上堂時, 剛好11個月多大, 最後職員就幫小B編了上歲半班喇, 原本應該是上BB班的, 不過即使小B是班中年紀最輕的一位, 但論身型, 論舉動, 絕對無人知小B未夠一歲, 哈哈~
開始上堂前, 所有小朋友先在另一間房內熱身, 小B見有咁多玩具, 又有咁多小朋友 (其實跟去Playroom沒分別), 所以好快...小B就不再痴實爸爸媽媽, 自己去撩小朋友玩了.
上堂時老師主要是用英語, 雖說未知小B能否明白, 但有媽媽從旁協助, 最後大部份指令及動作當然都能做到啦, 叻叻!!
至於那些拾波波, 拆衫夾等遊戲, 對於小B來說, 絕對是小兒科, 因為小B平時在家都有玩這些, 所以完全無難度啦.
最後小B在爸爸協助下, 更完成了人生第一個大象勞作呢... 似模似樣, 好認真啊~
沒有留言:
張貼留言