熱辣辣之玩水日

夏天都已經快過了一半, 剛過去嘅星期日終於都氹得惦爸爸帶倆姊妹去玩水啦, 唔知點解爸爸就係唔太鐘意去游水, 但我一拖二又好似太危險, 所以最後唯有出絕招, 哈哈!!

一早起身, 倆姊妹知道今日會去游水, 開心到不得了...

今次近近地去附近泳池, 下次先再出絕招叫爸爸帶我哋去沙灘玩~

公眾泳池唔俾影相, 唯有喺更衣室影兩張泳衣照就算~

兩個小可愛影相時越黎越古靈精怪, 媽媽實在忍唔住又要讚一讚倆姊妹好可愛.  :p

今日真係好熱呀, 室外泳池嘅水都變成熱水呢, 而且好曬好曬好鬼曬, 如果唔係去游水, 呢D天氣我同小B都一定會選擇留喺屋企嘆冷氣!!

(話說呢排天氣好熱, 太陽伯伯猛烈得好恐怖, 就連我家小B都會話, 咁熱咁曬點出街喎, 哈哈~)

如果每星期爸爸都肯陪我哋去玩水就好了...





我們的Facebook專頁 - 小b與妹妹b之成長日誌