今早起床妹妹因太快手快腳落床時被棉被絆腳而跌落地, 結果當然係大喊收場啦, 不過又唔算喊得好慘好耐, 所以我就以為無事喇, 但跟住妹妹就開始唔肯再用右手啦, 突然變成了左撇子一樣, 連用匙羹食通粉都變為了用左手, 嗰一刻爸爸已經心感不妙, 之後爸爸嘗試幫妹妹鬆一鬆隻手, 點知一掂佢就喊, 最後安全起見當然係去睇醫生...
其實跌落床後妹妹都有話隻手好痛, 但見佢又未至於完全郁唔到, 所以無即時處理, 以為過一陣就無事, 點知直到食完早餐都仲係咁, 爸爸就提議即刻去睇醫生喇.
去到診所醫生摸一摸妹妹隻手, 妹妹就喊, 醫生更發現妹妹手踭未能自如地摺合, 雖然醫生話多數係撞傷肌肉或扯傷, 但安全起見都係入急症室照一照X光比較好, 就係咁..醫生即刻寫咗封轉介信叫我去QE, 仲連今次診金都唔收我~ :p
去到QE, 出奇地登記好唔洗等就有得見醫生, 醫生聽我講完妹妹情況就安排妹妹去照X光, 照X光時妹妹因為太驚而大吵大鬧, 最終要我夾住先照到, 照完等X光片出, 大約半小時左右就再見醫生喇, 好彩醫生話無骨折, 只要休息一下唔好太郁動受傷嘅手就應該好快無事, 最後再安排一星期後返醫院覆診再照X光, 今次真係要讚一讚QE嘅效率.
好彩妹妹無事咋, 否則我一定會勁內疚, 因為係我無好好睇實妹妹, 唉... 小朋友真係望少一眼都有機會出事, 唯有再多加留意!!
兩天後妹妹隻右手已經無事啦, 所以最後我哋都無返醫院覆診, 免得又要再照多次X光.
今次睇急症未能提供出世紙, 所以無須先付款, 不過14日內就要補交出世紙正本, 所以到時才再收費, 若然大家有需要帶小朋友去急症, 記得帶定出世紙, 免得要再多行一趟啦.
我們的Facebook專頁 - 小b與妹妹b之成長日誌
其實跌落床後妹妹都有話隻手好痛, 但見佢又未至於完全郁唔到, 所以無即時處理, 以為過一陣就無事, 點知直到食完早餐都仲係咁, 爸爸就提議即刻去睇醫生喇.
去到診所醫生摸一摸妹妹隻手, 妹妹就喊, 醫生更發現妹妹手踭未能自如地摺合, 雖然醫生話多數係撞傷肌肉或扯傷, 但安全起見都係入急症室照一照X光比較好, 就係咁..醫生即刻寫咗封轉介信叫我去QE, 仲連今次診金都唔收我~ :p
去到QE, 出奇地登記好唔洗等就有得見醫生, 醫生聽我講完妹妹情況就安排妹妹去照X光, 照X光時妹妹因為太驚而大吵大鬧, 最終要我夾住先照到, 照完等X光片出, 大約半小時左右就再見醫生喇, 好彩醫生話無骨折, 只要休息一下唔好太郁動受傷嘅手就應該好快無事, 最後再安排一星期後返醫院覆診再照X光, 今次真係要讚一讚QE嘅效率.
好彩妹妹無事咋, 否則我一定會勁內疚, 因為係我無好好睇實妹妹, 唉... 小朋友真係望少一眼都有機會出事, 唯有再多加留意!!
兩天後妹妹隻右手已經無事啦, 所以最後我哋都無返醫院覆診, 免得又要再照多次X光.
今次睇急症未能提供出世紙, 所以無須先付款, 不過14日內就要補交出世紙正本, 所以到時才再收費, 若然大家有需要帶小朋友去急症, 記得帶定出世紙, 免得要再多行一趟啦.
我們的Facebook專頁 - 小b與妹妹b之成長日誌
妹妹無事就好了, 唔洗擔心
回覆刪除真係俾佢嚇死, 勁驚佢跌斷骨~
刪除果下個心係會離一離! 無傷及骨真係不幸中之大幸呀~
回覆刪除係，未出X光片之前我都好擔心，好彩最後無事咋~
刪除好在最後都冇事，小朋友真係睇少一眼都唔得！
回覆刪除係，宜家喺屋企都要成日留意住佢地嘅一舉一動~
刪除見妹妹咁反應真係以為整傷呀，好彩冇事
回覆刪除醫生都俾佢嘅反應嚇到, 難怪我地咁驚 :p
刪除真係擔心死人，好彩無事。
回覆刪除雖然無事，但都勁俾爸爸話我~
刪除嘩，咁嚴重....好彩最終照左無事。 又吾算太關你事，吾好內疚，佢地有時走得咁快，真係睇吾切架
回覆刪除最終撞到個手踭瘀晒 >.<
刪除真係嚇死喎，好彩無事咋。有時佢哋玩得癲得滯，好容易有跌撞，有時真係睇唔切
回覆刪除佢地一有得玩就急到死, 唉~
刪除好彩無事，佢哋咁細容易跌，有事又未必識講，真係要睇緊少少
回覆刪除