K1觀課日

等了又等...等了又等, 終於都等到學校觀課日啦, 上年N班觀課日讓咗俾爸爸去, 今年終於都輪到媽媽我啦!!  雖然觀課只係好小事, 但我竟然緊張到瞓得唔好, 看來以後我還有大把日子要擔憂呢~

今日一早親自帶小B返學, 唔洗搭校車, 仲可以早D返學校同同學玩, 呢個小朋友明顯比平日興奮.

送返學後有半小時空檔, 當然襯機同媽媽們去食早餐啦...
 
然後準時9:30就返學校待校長安排入課室觀課, 觀課日分咗3日, 我係最後一日, 小朋友們好像已經習慣了有家長在旁觀課, 所以大家都只係做番自己, 唯獨小B一見到我入課室時超大聲叫媽咪囉, 哈哈~

大家小朋友同我哋幾位家長打過招呼後就繼續課堂.

今次嘅觀課跟我想像中完全唔同, 因為家長們根本就無機會睇到小朋友上課時嘅表現, 一小時觀課中只係睇到佢哋分組活動...

有的自己玩玩具, 有的在畫畫, 有的在學習角中玩角色扮演遊戲, 有的在做線條練習, 有的就跟老師一起進行專題研習, 我相信大家家長們想睇嘅並唔係呢D, 大家其實都想睇小朋友上英文課, 普通話課時嘅表現, 不過無所謂啦, 有得觀課已經比起無得觀課好了, 而我見小B跟同學仔相處都幾好, 雖然偶然會唔專心攪事, 但總算未曾俾老師投訴過.  :p 

而過去呢半年, 我見小B亦都越黎越喜歡呢間學校, 雖然比起以前深咗多咗功課, 但我家小B總算讀得開心, 希望下年K2一樣可以繼續開心落去啦.  校長已經溫馨提示咗家長們, 當升上K2後, 學習內容同功課方面亦會比現在多好多, 媽媽唯有繼續以平常心面對, 唔好令大家有壓力.

我們的Facebook專頁 - 小b與妹妹b之成長日誌