討厭潮濕天

往年我最討厭的潮濕天氣, 大多出現在2, 3月份, 何解今年2, 3月份特別潮濕之餘, 就連現在11月份都已經變得那麼潮濕呢?!  我快要被那討厭的天氣攪瘋了... 

現在一屋都掛滿衫, 地下又濕濕立立, 廁所更加濕到無可再濕, 真的超討厭...超討厭...超討厭...超討厭呀!!

要將衣服掛乾, 就唯有靠我的好幫手 ---> 抽濕機鳥!!

海洋公園遊

1127 - 祝小B爸生日快樂..身體健康...越賺越多...開開心心!! 

雖然今日天氣好凍, 而且有時還會下著微微細雨, 不過依然無損我們一家三口的心情, 繼續出發遊海洋

唯一一張全家幅, 謝謝海洋公園職員幫忙拍照!! 

<完>

契媽手信

契媽由年頭買禮物買到年尾...小B就由年頭收禮物收到年尾.

今次契媽去泰國, 又買了手信給小B啦. 

每逢去泰國都會買底底的契媽, 今次不忘小B, 為她添置了三條可愛底底, 好卡娃兒呢!!

 

多謝契媽~~~~~~~~

惡攪小B

小B越大...脾氣越壞, 小B爸說她這不好的一面, 跟媽媽我似十足, 但我當然絕對不會認同啦, 哈哈~

不過我都覺得, 小B真的超野蠻, 只要稍微不順她意思, 就會大叫大喊大發脾氣, 務求要成功得逞為止... 

究竟要怎樣教她, 才不會導致她將來成為一個刁蠻公主呢?!

每次當小B發脾氣時, 媽媽我一定不會縱容她, 反而是會責罵她, 可惜小B不加以理會之餘, 還要再放聲大哭.

唉...這個BB真的好惡攪啊!!

有媽媽可以給予我一些意見嘛?!?!

P.S: 現送上未變身成為刁蠻公主前的小B近照~

開心小B年曆咭

嘩..嘩..嘩...好大張小B年曆咭呀, 多謝雅培!! 

這張印有小B頭像的年曆咭, 媽媽我一定會好好保存.

P.S:  如果大家有興趣, 可以到以下網址整番張開心BB年曆咭...  隨後雅培就會有專人聯絡你, 將3張年曆咭寄到你府上.

http://www.abbottmama.com.hk/photo/photo.php/

Day 328

快將11個月大啦...大家話我可唔可愛先?!

不過係小B爸心目中, 小B永遠都係最可愛既, 大大大爆... 

繼續敗家

繼上星期收到打底衫後, 今日又有兩件衫到手啦...兩件加埋, 大約只需$160, 抵抵抵!! 

今次跟同事合共買了12件衫, 收貨後全都非常滿意...

這件中長款上衣挺厚身的, 內裡是絨毛質地, 簡單易搭, 只需配上Legging就可以, 最適合我這些懶得配搭就出門的人, 呵呵.

至於這件珊瑚絨馬甲亦非常好配, 一拿上手...質地超級柔軟啊, 相信穿上身後一定會好暖.

今次這家店舖, 我一定會再來惠顧, 皆因個人認為絕對是物有所值!! 

人生第一張證書

10月份時我幫小B參加了Oxford Path舉辦的爬行大賽, 可惜最後小B因要出席朋友仔之生日會而缺席了, 不過昨天回家後竟然發現Oxford Path寄來了一張証書囉...

雖然這是小B的第一張證書, 但由於當天實在未有參加過比賽的關係, 所以這張證書對小B來說根本就完全沒意義.

而媽媽我隨隨看過後, 亦好快就把它收起了, 哈哈~

YMCA English Playgroup

朋友告知YMCA有外籍導師任教的英語Playgroup...我馬上致電最近娘家的那間YMCA查詢, 原來真的有啊, 而且費用亦較外面便宜, $980/6堂, 每堂1小時, 每班人數8個家庭. 

我想問有無人試過呢?!  口碑又如何?!

由於在網上找不到太多資料, 所以希望知道的Blog友們可給予一些意見, 謝謝!! 

平靚正打底衫推介

今個11月我又淘到出神入化啦...不過暫時收到貨的就只有以下這件黑色打底衫.

早排天文台話這個冬天會特別凍, 那我當然要做定準備啦.  雖然市面上推出了不同品牌的Heattech保暖內衣, 價錢亦只是百多元起, 不過我始終認為, 只要一件夠貼身的內衣就已經足以能夠保暖, 所以我選擇了買這些又便宜又貼身的打底衫來穿. 

收貨後, 一摸上手...質地出奇地舒服呀, 最重要是兌換港幣後連運費亦只需$34已而, 真的抵到無朋友~

下次再淘, 一於要多買兩件才行, 呵呵!!

買..買..買..

剛過去的週末, 天氣確實涼快, 小B跟我回家後, 卻發現原來家中沒有幾多件衣服可給小B替換. 

之前朋友們轉贈了大量BB寒衣, 好讓媽媽我以為這個冬天完全可以不用購買衣服給小B, 可惜我這個懶媽媽未有逐一為她穿上身試試看, 加上原來大部份都是厚厚的, 完全未適合這個溫度穿著, 有的更甚至已經不合身呢, 不是吊腳就是太緊身.  幸好...家中僅僅還有兩套衣服可給小B於這個週六日出街時穿, 否則我們就要回婆婆家拿衣服, 到時又會被婆婆咿咿哦哦一輪啦, 哈哈~

星期日...帶小B回婆婆家前, 一家三口到花園街一趟, 看看有沒有筍野可入手, 結果短短半小時就買了以下幾件衫和褲喇.

白色包屁底衫 - $25

深藍色包屁底衫 - $30

米色長袖上衣 - $10

嘩嘩嘩...好抵呀...樓上鋪衣服確實平平平, 讚!! 

紅色抓毛褲 - $59

冷裙連褲仔 - $28

防滑粒粒襪 - $28 / 3對

即使街鋪亦是平~ 

看來日後當我想滿足一下自己的購物慾時, 都可以先到花園街走走, 哈哈.

另外...這對布鞋仔, 星期六於Mothercare購買的. 

原本我真沒打算要買, 因為幾天前我才於淘寶淘了對鞋仔給小B.  不過小B爸竟嫌棄小B現在所穿的那對舊鞋又殘又舊又窄, 加上當晚小B要出席爸爸生日的BBQ聚會, 所以即使在沒選擇的情況下, 小B爸依然堅持要買. 

不過這對舊鞋確實已經穿到又殘又舊, 咔咔...

我的剛柔男 @ Tempo

早前於Facebook Tempo專頁, 參加了"剛柔並重大投選", 最後我打造出來的這個剛柔男...簡直係型英帥集於一身呀!! 

每次見到這張相都覺得好好笑, 大家又覺得如何呢?!

(題外話: 八年前當我剛認識陳生時, 他的身型跟這個男的沒大分別, 但不知怎的, 自拍拖後不久, 他的身型就開始不斷澎漲喇.  亦因為澎漲後有個大肚腩的關係, 所以小B才會特別愛找爸爸抱抱吧)

幸運地參加這個"剛柔並重大投選"後, 我竟然被Tempo抽中贏得18吋豆豆梳化一個呀.  向來沒有抽獎運的我, 都竟然會被抽中, 今期實行有運行啦, 哈哈~ 

你看小B幾Like這個新玩意...

最後特別感謝Tempo送我這個豆豆梳化!!  ^^

Free Ticket

公司S&M Dept.向來活動多多, 不過所有活動都是為了做宣傳而攪的, 所以有份出席的同事, 就只有前線人員(Sales).  至於作為S&M一份子的我, 只屬一個小打雜(Sales Coordinator), 有關這類活動又豈會有我份兒參與呢.

今次公司包場請客戶睇戲, 我跟幾位後勤同事有幸拉衫尾獲得免費戲飛, 真要謝過大皇(Boss).

其實點解要請睇這套<南方小羊牧場>呢?  這套戲跟我們公司有關係嗎?!

聞說...原來男主角於片中, 有一幕捧著印有我們公司Logo的紙盒, 所以最後公司就決定包場來請客戶睇喇, 好..好..好..好..好無聊呀~~~~~~~~ 

既然不用自掏腰包拿$出來買飛睇戲, 那就不好理他了, 哈哈. 

懶人選擇的Sleeping Pack

Nature Republic - Super Aqua Max Deep Moisture Hydrogel Sleeping Pack

這是友人早前到韓國旅行時幫我購買的...向來都知道在韓國買護膚品好便宜, 但因我沒有指定用開的品牌, 所以都不知究竟該買那隻才好, 最後只叫友人隨便替我買盒勁保水的Sleeping Pack就算了.  好開心友人還送了些Paper Mask給我做手信, 所以這個乾燥的冬天, 我又可以不停為面上皮膚注水啦, 哈哈!!

用了數次這盒Sleeping Pack, 感覺好水漾, 不錯不錯, 用後早上醒來, 皮膚亦未見有"乾爭爭"感覺, 而且可以方便快速為皮膚補水, 最適合不過我這種懶人用.  其實好久以前我都有用過Laneige的Sleeping Pack, 不過每次用不上一半, 就會擺至過期, 所以Mask方面, 我主力選購的都是Paper Mask.

自去年陀著小B後至今, 一直都未有再到美容院做Facial了, 懶惰的我現在亦只是偶爾才會敷一下Mask, 認真懶到無朋友.  基本上我是個皮膚底層極乾的人, 理應要做多些保濕功夫才行, 不過有時間我竟然選擇了去多睡一會.  但隨著年齡增長, 我想我都不能再懶下去, 若然再不好好保養, 我怕日後要花在這方面的金錢, 會是一個用不完的數字呢.  幸好(Touchwood)...暫時皮膚亦未見有什麼大問題, 只是比較缺水, 我會承諾自己, 會勤一點做護膚.

希望這個又乾又凍的冬天, 不會因天氣冷而又變懶就好了.  如果這個冬天, 我可以把這盒Sleeping Pack用光一半或以上, 這就可以証明我有遵守對自己的承諾, 勤力做保濕, 咔咔~~~ 

團購化妝班

$98 學 3 小時【星級化妝班】日系動人無辜眼妝 + 韓系迷人減齡妝 + 基本髮型示範，配合妝容！Will Makeup 星級團隊親自教授！擁有水靈大眼！可愛度 UP，人氣爆燈！贈日本 NO.1 美肌飲品 Chocola BB Drink Bit 3 枝！(價值$2880)

-----------------------------------------------------------------------------------------------------------------------

$98上一堂3小時的化妝班, 確實吸引, 結果我們又自行組班去學化妝啦, 6人一班...話都無咁易就集齊人數~

今次教我們化妝的導師叫Stanly, 但我不認為他可以成為星級化妝師囉, 因為他的化妝技術認真麻麻, 而且所教內容亦非團購時所講的一樣.  他所教授的就只是最基本化妝而已, 沒有迷人減齡妝, 更沒有基本髮型示範, 極其量就只有略略講解過什麼是無辜眼妝.  算吧...這3小時就當是我們姊妹們的一個餘興節目...卸好妝後重新給自己化妝. 好無聊呀, 嘩哈哈哈!!

這個男的就是Stanly...

好笑...他面上塗的粉底, 比我還要厚, 厲害厲害~

10m

轉眼間...我小B今日已經10個月大啦~


樣貌
好開心, 近排開始多了親戚朋友話小B跟我長得像樣了, 之前明明人人都話小B跟爸爸長得像個餅印一樣, 即使無十足, 亦有九成九相似!!  所以朋友們時常都會問我, 會否覺得小B一點都不像自己而不開心, 始終辛辛苦苦陀B生B的人是我, 但好老實...其實我一點都不介意小B究竟像誰, 只要是像我倆其中一位就已經足夠啦, 因為她是我倆的愛情結晶品嘛, 所以我又點會唔開心呢, 最緊要小B健健康康, 身體健康, 對嘛?!

不過媽媽我每天都看著小B, 樣貌上真的不覺得她有什麼大轉變, 但只要當看回早幾個月前拍的照片後, 就真的感到小B大個囡了.


肌能活動
現在小B只要推住任何物件就已經可以通屋行, 所以婆婆好頭痕...  至於小狗金仔, 亦因為小B開始通屋行而變得更多時間躲在床下底, 有時覺得金仔好陰公, 但沒辦法...只好請金仔再忍耐一下, 遲些待小B長大了, 金仔就會有個伴陪牠玩啦.

自9個月起, 小B已經學懂反轉身從梳化落地, 現在更已懂得從大床反轉身落地呢, 不過大床跟梳化高度不一樣, 所以我都擔心小B會跌倒, 唯有每次見她想落地時都出手協助. 

親戚們話小B應該1歲前就會學懂走路, 看來小B好快就可以跟媽媽一起去Shopping啦, 哈哈~


食
一日兩至三餐奶, 有時210ml, 有時就食150m倒60ml, 非常浪費的一個BB, 希望這個壞習慣可以盡早戒掉.

粥仔方面, 婆婆好有心機, 一日兩款不同口味.  如果放假跟媽媽回家, 媽媽就只會一次過煮好分兩餐食.  其實媽媽我都已經有好大進步啦, 從前我是一個無飯煮婦, 現在為了小B, 終於還是要的起心肝去學煮粥仔, 而每次當見到小B將我煮的粥仔都吃光時, 媽媽我總是會有一份滿足感.


重量高度
要待小B一歲時到健康院檢查才知道.


社交技巧
認人 - 但只要望多兩眼, 好快就可以打成一片.  心情好時, 人人都跟人人都抱得, 心情差時, 連爸爸媽媽都未必抱得, 只有婆婆才可以抱.  (衰囡包一名)

Hello, Bye Bye, Give Me Five, 請請, 拍手都已經學懂, 而且大多數時間都肯跟著我們的指令來做, 但偶爾還是會出錯, 叫做Bye Bye時, 就做了請請.  不過對於一個剛滿10個月大的BB來說, 我已經覺得好叻叻.

勁愛熱鬧的一個BB, 鐘意跟小朋友一起玩, 開心時會搖手大叫, 去到Playroom時還會爬到小朋友堆中一起玩.


ZzzZzz這方面...超級無敵令人激氣, 經常要抱住訓, 當過度眼訓時會大扭大喊, 好多時媽媽我都想乾脆把她扑暈算. 

睡覺時間不定, 多數大約11時左右睡至早上8時多.

每天小睡兩次, 每次約個半小時.

有媽媽可以教我, 如何訓練小B自己乖乖在床上至入睡嗎?!


看著小B一天一天長大, 爸爸媽媽真的好捨不得, 有時甚至傻到會懷念仍是手抱階段的那個小B呢, 不過始終還是現階段的小B最可愛, 哈哈~