Naraya 奶粉袋

同事去泰國幫我買的Naraya奶粉袋...

好抵呀...大大個, 竟然一百元有找!! 

以後帶小B出街, 就不用一個奶粉袋再+一個環保袋啦, 哈哈~

激光打斑

早於個幾月前仍在放緊我的悠長假期時, 終於的起心肝去做了一次激光打斑.  因為聽說打斑後最少要五至七日, 面上的黑色素才會減退, 所以最好當然是選擇有長假期時才做啦, 免得出街嚇壞途人, 上班嚇壞同事嘛~   

其實自問雀斑一點都不算多, 但就不知何解左邊權骨位上那撻約一毫子Size大的斑就越來越勁, 越來越深, 非常礙眼, 就連用遮暇膏都掩飾不了呢, 討厭至極.  最後經朋友介紹下, 我便約了她用開的那位皮膚科醫生做激光打斑喇.  未做之前憂慮多多, 一來怕痛, 二來又怕面上黑色素浮了上面後會不退減.  幸好做前經醫生講解後, 憂慮全部都消失了.   而且整個打斑過程都用不上十分鐘, 所以若然有打算去做打斑而又不敢去做的朋友, 真的不妨一試呀.

做完個多月, 今時今日竟然還有朋友問我, 何解我的皮膚會變得白滑了.  看來這千多元都算花得值啵, 哈哈!! 

囉囉攣

突然好掛住小B呀...

剛才心血來潮致電回家, 問問小B今日情況.  誰不知婆婆竟然說小B今日好扭計呀, 不停的喊喊喊, 完全不知道她發生什麼事.  就連我在聽筒裡都聽到小B好大的喊聲呢, 陰公豬咯!!

如果可以, 真想馬上下班回家看看她. 

唉...這就是在職媽媽的弊處啦, 不能時時刻刻地照顧著小B.

大清潔

好攰呀...用了整整一個下午清潔屋企, 結果當然是累爆啦!!  日後若然良久未有做過大掃除的話, 真要請鐘點代勞才行, 否則就會像我現在一樣...腰酸背痛. 

其實平日我都有做打掃工作, 不過就只限於肉眼能見得到的地方囉, 始終日日早出晚歸, 留在家中的時間少得很嘛, 所以做好表面功夫都已經足夠.  只可惜早前天氣實在太潮濕啦, 導致家中很多地方都出現霉菌, 除了十分礙眼之餘亦極之不衛生, 結果迫使我今天非來個大清潔不可. 

早前牆身上見到有霉菌的地方, 今天都已經給我用漂白水抹過了, 但有部份地方就留下了灰灰的痕跡嚕.  不過相比起未清潔之前, 都已經順眼了不少.  而最令我驚訝的是, 我們每天都會打開的鞋櫃, 竟然都有霉菌出現呀...而且有數對鞋的表面還鋪滿了霉菌呢, Shit!!    要我清潔這些核突霉菌, 實在嘔心, 但又不得不清楚喎, 唉...何解沙田區的濕度會高成這樣呀?! 

現在清潔已經做好, 接下來就要做防潮工作啦.  為免遲些會再潮濕而導致嚴重發霉, 所以我已經於櫃內放下不少臭丸及吸濕劑, 希望可以有效防潮啦. 

勢要趕走霉菌

近日天氣潮潮濕濕...乍暖還寒, 令人討厭至極!!  除了衣服有陣"up"味之外, 就連牆身及天花板都有霉菌出現呢, 好不衛生.  雖然小B不是跟我們一起住, 但每逢放假小B都會有跟我們回家的時候嘛, 而且我又有潔癖, 所以家裡牆身有霉菌, 是絕對不能接受的事情. 

其實早前當我一見到有霉菌時, 我已經嘗試過用濕布把它抹掉, 可惡的是...討厭的霉菌不久又再出現, 但我總不能每天拿著濕布去抹牆, 那究竟我該如何是好呢?!  HELP 

聽說解決方法有幾種

1. 用乾布把霉菌抹掉後, 再把火酒倒入毛巾重覆在牆上抹兩三次.

2. 把漂白水倒入噴壺, 直接向有霉菌的牆身上噴.

未知以上兩種方法, 那種會較有效呢?!  有人試過嘛?!

等我星期日放假試試先, 今次勢要把霉菌趕走~

法寶箱

看過Blog友一篇湊B實況後, 即刻上淘寶買了這個米奇儲物箱.

以後有了這個法寶箱, 幫小B沖涼換片就不用四處尋寶啦, 哈哈~

開心BB

小B今日去太婆屋企...好開心呀!!

睇佢笑到見牙唔見眼就知啦~

BB Cake

雖然距離小B百日宴還有廿多天, 但小B姨姨已經急不及待幫小B選定了蛋糕啦... 

 只可惜給小B爸看過後, 小B爸覺得鞋鞋聲總是不太好聽, 所以最後應該會選這個...

A+ 1號

小B從出世的第一天起, 便一直飲用A+, 想不到...她吸收得很好啊!!  由出世時的五磅多, 到現在兩個半月已經有十磅多了, 體重增長真是令人滿意.  至於便便方面一切都算正常, 証明這隻奶粉蠻適合我小B啦, 所以如無意外, 我會繼續選購A+.

不過這品牌奶粉真的貴得很呢, 小B還要一星期用光一罐奶粉, 你話奶粉開支是否嚇人喇. 

幸好今日誤打誤撞下, 竟讓我找到一間藥房算賣得平, 以後一罐奶粉就可以省回十多元啦, 哈哈!! 

(假如藥房可以改善一下經常缺貨的問題, 那就更加Very Good嚕~)

Pampers VS Huggies

早於小B未出世時, P牌及H牌分別寄了Sample及Coupon給我, 所以兩隻牌子小B都已經試用過了.  最後兩者比較, 小B媽我還是較喜歡P牌片片.

P牌 - 特級棉柔 (NB)
好處: 質地柔軟, 而且吸水力強...小B晚上睡8-9個小時沒有換片, 都未見有漏尿情況, 讚!!

壞處: 價錢較高, 而且褲型稍大.  (但我小B屬細碼B, 所以褲型不合身亦可體諒)

H牌 - (NB 0碼)
好處: 價錢比P牌便宜, 褲型較小, 適合小B Pat型.

壞處: 質地較薄, 柔軟度及吸水力亦不及P牌, 而且試用了數片亦同樣有出現漏尿情況, No good!!

其實只要一有出現漏尿情況就想也不用想, 可以棄用了, 所以初生0碼我只用了數片就整包轉贈給朋友啦.  不過咁...我個人好鐘意給人家機會的, 當小B大了些後, 我再試用NB 1碼, 雖然整體評價跟NB 0碼沒太大分別, 但漏尿情況已經沒有, 所以可以再繼續試用, 但質地方面始終較薄, 所以要勤些更換才行呀.

***如果P牌可像H牌一樣時常寄上Sample及Coupon到我府上, 那就真的太好了(發夢中)!!***

現在小B差不多兩個半月大啦, NB片對她來說好像緊了一點, 所以用光家中的NB片後, 就該轉用S碼啦, 但對於選用那個品牌的S碼片呢, 始終有點苦惱.  BB用片量多, 如果全用P牌的話, 真的不太化算, 而H牌雖然不及P牌好, 但又因為常收到H牌BB會寄來的Coupon, 每包片片可省20個大洋, 所以我想我應該還是P牌跟H牌一起用.  最多日間用H牌, 更換得密一點就可以啦, 夜間則用P牌, 那就可以幫我荷包減輕一下負擔嘛, 哈哈~ 

朋友們...你們又有好的品牌片片介紹嘛?!

咔咔笑

今日小B同爸爸玩得好開心呀...小B仲笑到咔咔聲添啵!!

呢個小朋友一定係知道成日笑先得人鐘意喇, 哈哈~ 

Shopping

難得兩公婆濕平...又是買給小B的!!

H&M BB衫好抵呀, heehee~ 

輪狀病毒口服疫苗

每年十一月至三月是輪狀病毒感染高峰期, 患者以六個月至兩歲嬰兒為主, 雖然我小B只得兩個多月人仔大, 但為免中招, 我一定會帶小B去服食輪狀病毒口服疫苗.  而且聽說服食此疫苗好像有限時間, 第一劑要在兩個月時服食, 第二劑則要在四個月時服食.  希望小B服食了此疫苗後真的不會感染此病毒啦, 否則又痾又嘔, 小B辛苦時, 媽媽亦會好心痛. 

其實自年初升級成為媽媽後, 我的心願亦隨著改變.  現在最大心願就是希望小B身體健康, 快高長大.  只要有健康身體, 才可以開心快樂地生活嘛, right~ 

輪狀病毒口服疫苗 - 你BB又食左未呀?!  我小B今日都食左啦

身心疲累

唉...我的十星期產假眨下眼就放完了, 真捨不得.  當然捨不得假期之餘, 更捨不得我寶貝囡啦.  幸好小B是交由婆婆照顧, 起碼我可以少一份擔心嘛.

不過自回到工作崗位後, 我的生活就變得更加忙碌了, 絕對可以說是身心疲累呀.  每天除了上班之外, 下班後又要回娘家看小B, 直至九時多才由佐敦回沙田, 日日如事真的累到不行!!  所以有時我都會在想, 究竟是否該請工人姐姐呢?!  那麼我不用兩邊走之餘, 婆婆又可以不用那麼辛苦嘛.  老實說...照顧BB真的比上班還要累, 所以我都好戥婆婆辛苦架, 有時真的好怕她會因此而捱出周身病痛.  但認真想想...大家都總會覺得BB由自己人照顧, 總好過交由外人照顧, 因為小B年紀小, 又未懂表達+說話, 若然工人姐姐傷害小B, 我們又沒辦法知道, 所以之前一直都未有考慮過要請工人這個問題. 

不過現實歸現實, 婆婆獨個兒照顧小B已有一星期啦, 我知道她真的辛苦了.  而我這樣早出晚歸亦開始令我受不了, 究竟我是否真的該請工人呢?!  (但請工人最大問題是沒地方給她住嘛...)  唉, 好煩呀!!