01.08.2009 - 今天除了是我們的大日子外, 亦是我倆拍拖5週年的紀念日, 嘩哈哈哈...可喜可賀呀!!
今早好準時地六時起床梳洗敷面膜, 待化妝師Cindy來為我扮靚靚出門, 好快Cindy便抵達我家了. 好...開始化妝,
時間過得好快呀, 轉眼間已是八時多, 但妝還差一點點才化好呢, 而我亦突然想起, 我要食早餐呀...不過Cindy說時間緊迫, 而且仍未Set頭,
結果一條香腸就成為了我今早的早餐喇, 陰公陰公. 但為了靚靚, 即使餓著也是值得, 哈哈~ 最後九時十五分終於化好妝, Set好頭,
換好婚紗準備出門啦...開始有點兒緊張添, 而司機全亦好準時九時正便於我家樓下等候著我們.
Yeah...we are ready...gogogo!! ^^
九時四十五分, 我們到達中環大會堂, 陳生亦開始表現得越來越緊張, 相反我就變得輕鬆了不少,
只顧著跟親戚朋友們拍照, 好像好忙似的. 十時正...大會堂職員叫我們登記啦, 我們快將要在親戚朋友的祝福下, 齊聲說句"我願意", 呵呵~
好...講多無謂, 睇相最實際, 不過家妹的攝影技術非常有限, 請不要見怪.
註冊後我倆正式成為夫婦了, 但朋友們請不要叫我做陳師奶喎, OK?!
其實今天真要多謝陳生, 皆因酷熱天氣警告下, 穿上婚紗的我都熱得叫苦, 而他還要穿上禮服呢, 我想他一定辛苦到不得了,
但為了令我高興, 他即使熱得汗流浹背, 仍跟我一起到香港公園和麗都灣拍婚照...真抵錫.
其實我們最後一站該是黃金海岸才對, 但拍照拍到四時多, 陳生表現得越來越辛苦, 最後還說不想再繼續拍下去. 好老實...我都知他定必比我辛苦百倍,
所以我亦會體諒, 結果我們今天的活動就此作結喇.
不過無論如何...我真心希望跟朋友們說聲...多謝!!
沒有留言:
張貼留言