今日先帶小B同契媽見面, 由於之後小B要到Studio拍寫真, 加上Franky哥哥又要去書展, 所以就約食Lunch喇,
地點當然近近地約新城市, 遷就我個麻煩小B啦. 原本約好一點鐘, 最後因小B又要小睡, 又要便便, 結果我們遲了約大半個小時才到達,
要契媽和Franky哥哥久等, 真不好意思呢. 不過我知契媽和Franky哥哥是絕對不會介意的, 呵呵.
你看契媽見到小B幾開心...
就連Franky哥哥都抱到唔願放手架, 哈哈!!
個多小時短聚話咁快就結束, 期待下次再跟契媽見面.
接著我們就帶小B到Studio拍寫真照喇, 今次Join的Studio Package, 是早前無意中從Facebook見到做優惠而Join的, 以$399這個優惠價, 我絕不敢抱太大期望, 只當作幫BB影輯半歲相做留念而矣.
一去到助手姐姐叫我拿套自選衣服給她看看, 然後她再從衣服堆中拿了數款衣服給我選擇, 可惜合小B身的衣服不多, 只得四至五款,
最後我幫小B選了一套蜜蜂衫 + 一件浴袍. 
原來跟BB拍照, 真的好有難度, 拍攝短短一小時, 我們又要出盡所有辦法去逗小B笑, 可惜小B今日好含蓄呢,
每次大笑完都會擰轉面, 好像有點害羞似的, 希望出來效果會OK啦... 要等十多日才可收到相底, 真叫人心急啊. 雖然今次跟BB拍照比起拍婚照時辛苦,
但我們依然拍得開心, 所以我決定遲些一於帶小B到Studio再影過, 哈哈~
沒有留言:
張貼留言