戒夜奶?!

湊B生活忙碌到極, 所以自小B出世後已經無法常常Update啦!!

 

但我仍希望可以盡量記下小B的成長過程...

今天小B已經39日人仔啦, 雖然她不時愛扭計, 但仍非常得人歡喜, 永遠都會是爸爸媽媽的至愛. 

其實湊B最辛苦莫過於每晚半夜要起床餵夜奶, 所以一開始我已經好希望小B能夠盡快戒夜奶, 可惜小B實在太大食啦, 食少一餐半餐都會嘈到拆天, 但見健康院姑娘說她的體重增加得那麼好, 又確實有點安慰.  小B出世時只有5磅4, 但剛剛一個月時, 她已經增長至7磅8啦...哈哈!!  所以現在抱她久了, 雙手就會累得很, 遲些...真要找朋友們一起北上按按摩才行.

未知昨晚是否天氣太凍的關係, 小B竟然可以一覺訓天光, 我可以不用起床餵夜奶, 希望今次她可以成功戒夜奶啦, 那麼我每天就可以跟她一起一覺訓天光嚕~