報讀救世軍卜凱賽琳幼兒園

小B雖然係兔B, 但入學年度剛巧碰著本年度出生率最高的龍仔龍女, 有見及此...所以原本一直沒打算幫小B提早3年報讀幼稚園的我, 都剛於上星期幫小B交了報名表報讀救世軍幼稚園, 為求博得一個面試機會. 

當陀著小B時, 同事已經跟我說如果想幫小朋友報讀救世軍的幼稚園, 就要當一取得出世紙後馬上入紙報名, 還記得當時我好快就拋下一句"Crazy", 但認真地想, 小B這幾年會跟婆婆住, 而油尖區的幼稚園又不多, 既然附近有間救世軍, 就不如先行報名喇. 

起初小B婆婆及爸爸都說我傻, 剛出生不夠就說要報讀幼稚園, 會否快人幾步.  但婆婆最近跟街坊閒話家常時, 得知對方孫仔明年入讀幼稚園, 但很多學校都說Full了.  你話我又豈敢怠慢呢...

今天收到幼稚園寄回的輪候號碼啦, 希望將來小B有機會去面試啦.

撩事鬥非

唔好睇我得52日人仔, 但我絕對係牛王妹一名...細細個已經撩交打!!

窩心的禮物

數年前跟團去浮羅交怡旅行時認識了一家人, 因為這家有個小妹妹好可愛, 而且她亦很愛跟我和陳生玩, 所以好快就熟落起來, 最可貴的是旅程完畢後我們還一直保持聯絡至今.

這頂冷帽就是Pat媽親手織給我小B的...好Warm呀!!

 而且還好靚呢...多謝~

成功戒夜奶

由星期日開始...小B竟然自己戒掉了夜奶, 唔洗媽媽半夜三更起身啦, 叻女!! 

起初還以為小B星期日晚去契婆家玩得太累, 所以才一覺訓天光, 但連續數天都是這樣, 最早6點, 最遲7點, 我想這樣應該算是成功戒掉了夜奶喇, 哈~  不過為免她半夜肚餓, 所以我們都盡量將最後一餐奶推遲.  

小B你係叻既, 當媽媽準備幫你戒夜奶之前, 你竟然可以自己戒掉, heehee~ 

愛笑Baby

近日小B開始笑得多了, 只要見到她那純真的笑容, 即使湊她有多辛苦, 自己又有多不高興都好, 亦會將其一一拋諸腦後. 

小B你係得既...

這是我暫時最喜歡的一張相~

茶辣

做了個多月全職媽媽, 先知原來做全職媽媽真的比上班還要累百倍, 所以真的不得不佩服那些全職媽媽們...妳們真的好棒啊!!  (自問實在不能勝任這項偉大工作) 

湊B湊了個多月, 我已經感到身心疲累, 雙手久不久還會麻痺起來, 未知是因為坐月期間濕過凍水關係, 還是經常抱B所致...總之希望遲些會好一點吧.  早前友人教我用茶辣煲水來浸水, 浸了後確實好了一點點, 但由於要湊B而未有勤力去浸, 結果耐不耐還是有點痺痺的, 希望現在勤於用茶辣煲水來浸手還不算遲~   

這就是用茶辣來煲的水啦, 味道臭臭的, 但還可接受.

聽說它有驅風之用, 如果坐月時有需要, 妳們都不防一試丫~

Day 40

我愛小B...小B今日40日人仔大啦!!

戒夜奶?!

湊B生活忙碌到極, 所以自小B出世後已經無法常常Update啦!!

 

但我仍希望可以盡量記下小B的成長過程...

今天小B已經39日人仔啦, 雖然她不時愛扭計, 但仍非常得人歡喜, 永遠都會是爸爸媽媽的至愛. 

其實湊B最辛苦莫過於每晚半夜要起床餵夜奶, 所以一開始我已經好希望小B能夠盡快戒夜奶, 可惜小B實在太大食啦, 食少一餐半餐都會嘈到拆天, 但見健康院姑娘說她的體重增加得那麼好, 又確實有點安慰.  小B出世時只有5磅4, 但剛剛一個月時, 她已經增長至7磅8啦...哈哈!!  所以現在抱她久了, 雙手就會累得很, 遲些...真要找朋友們一起北上按按摩才行.

未知昨晚是否天氣太凍的關係, 小B竟然可以一覺訓天光, 我可以不用起床餵夜奶, 希望今次她可以成功戒夜奶啦, 那麼我每天就可以跟她一起一覺訓天光嚕~

 

媽媽也放假 2012年2月5日上午10:49

媽媽辛苦了, 所以要休息一天... 

 爸爸餵完奶, 正在tum小B覺覺豬, 而媽媽當然爭取時間上網啦, wakakaka~