雅培BB會送禮

些些雅培送我一罐400g奶粉!! 

牙仔餅

今日買了盒亨氏牙仔餅給小B...盒上註明6-36個月適用.

不過呢盒牙仔餅認真麻麻...硬到連我同小B爸都咬唔開, 完全絕對係只可以純粹俾小B磨下牙肉.

不過咁...小B依然食得開心, 哈哈!!

Day 178

今日姨姨放假...帶左我出尖東同婆婆, 媽咪飲茶食Lunch~

我全程都係自己坐一個位架, 係咪好叻叻先?!

婆婆仲請我食包包同腸粉, 好好味呀~ 

酒樓d姨姨見我自己坐, 仲問我有無7, 8個月大.  其實我只係得5個半月多, d姨姨估到我老晒, 激氣. 

食菜菜

媽媽: 小B...你食緊乜東東呀?

小B: 菜菜囉...但係點解菜菜唔好食既!!

食蘋果

第一次用咬咬樂食蘋果...

不過小B似乎鐘意食橙多過蘋果囉, 食橙佢會追食, 但食蘋果...每咬一下佢都面容扭曲!! 

施巴便疹膏

天時熱加上24小時穿著片片, 這兩天小B Pat Pat出現了少許粒粒紅疹, 相信這應該是尿疹吧. 

為免情況惡化, 所以馬上買了支施巴便疹膏給小B用, 希望尿疹可以快些減退.

幸好塗過兩次, 尿疹已經謝了, 小B Pat Pat又變回白白滑滑啦!! 

所以這支便疹膏真的不得不讚一下~ 

生日禮物

雖然正日生日還未到...不過我已經用了生日來做借口, 襯機濕平, 咔咔!!

這就是我今年買給自己的生日禮物啦...

(雖然亞媽話生日唔好買鞋, 但偏偏我每年都總愛買一對呢, 呵呵!!) 

第一次坐學行車

小B話 : 我自由啦...終於可以周圍行啦, 好開心呀~

雖然好多人話坐學行車, 會對BB腳仔有壞影響, 但其實我們小時候還不是一樣有坐嗎?!  所以學行車我一樣會照給小B坐, 只要每次不太長時間就OK啦.  加上對她來說, 活動空間又可以再大一點, 我相信這樣總好過她每天只在床仔或地墊上玩好得多.  而且這部學行車又不是新買, 這是小B爸數年前買給小B表哥用的, 既然BB車還在又沒有損壞, 那就無謂浪費嘛!!

其實坐學行車都好, 因為我可以行開一會做些自己事...不用時時刻刻陪著她.

坐車車

自小B學懂坐立以後, 她已經不再喜歡躺臥在床仔或地墊上啦, 而且去惠康還好喜歡坐車車呢!! 

突然覺得小B大個左好多...已經學懂好多事, 不再像初生般時一舊飯啦, 哈哈~

1 week FTM

小B舅父出水痘, 為免小B中招, 所以今個星期小B就要避走婆婆家...回來跟爸爸媽媽一起住啦!!

亦因為咁, 我要做1星期FTM, 希望小B乖乖聽話啦... 

加油...努力...媽媽一定得~

師奶本息

前陣子收到各大BB會送上的Coupon, 除了尿片Coupon是用得著之外, 其餘什麼米糊Coupon, 學習褲Coupon通通都用不著呢.  最後我的師奶本性又來啦, 一於拿到BB用品交換區試試看, 跟有需要的媽媽交換, 結果...我成功換到7張尿片Coupon回來呢, 呵呵呵呵~

7張H牌$20 Coupon, 足以令我省回140個大洋呀, heehee!! 

惠氏BB會送禮

近期陸陸續續收到各大BB會的小禮物, 今日輪到惠氏媽媽會啦...

不過惠氏送上的並非自家品牌產品, 而是H牌學習褲一條, 而且還要是男寶寶試用裝呢, 真玩野~ 

食腳趾

每個BB都喜歡用手和口來探索新事物, 他們往往將觸摸得到的東西放進口內探索一番, 雖然這樣好像有點不衛生, 而且亦會好容易病從口入, 但沒辦法, 誰叫這就是BB探索事物的必經階段...

今次小B要探索的, 就是自己的豬腳喇~ 

雖然食腳趾真是有點兒那個, 可是媽媽我完全沒有加以阻止, 因為即使我阻止得到今次, 亦不能阻止得到下一次嘛, 所以就由她吧!!  而且我深信當小B日後懂事了, 就一定不會再有此行為, 你話我說得對嗎?!  哈哈...

懶惰鬼

懶惰精突然上了小B身...現在高人正在表現懶人飲水法!! 

幸好有時小B都肯自己拿著奶樽飲奶奶..未算得上是完全懶惰~

不過婆婆說, 這樣才像她媽媽我喎!! 

小豬髮夾

嘩哈哈哈...小豬髮夾登場啦~

Good Morning

Good Morning Everybody....

4.6.2012 - Day 156 

小B新朋友

今日帶小B去識新朋友... 

這個新朋友名字叫Hayden, 7個月大, 是一名中美混血兒.  眼大大白白淨, 媽媽我覺得他好英俊呢, 小B你又覺得如何呀?!

最初當兩B相遇各自坐在BB車時, 兩個完全互當對方透明, 大概是因為未認識的關係吧.

小B掛住玩玩具時, Hayden則掛住玩奶咀...實行各自各精彩.

上樓後, 一將他倆放在沙發, 突然Hayden貼近小B, 再向小B臉上吻過去, 然後小B就扯著Hayden衫領, 好像是怪Hayden偷吻她一樣, 場面相當爆笑.

玩了一整天, 小B累爆, 結果當然不停扭眼訓啦, 唉~

下次一於再約, 實行帶兩隻小鬼去游水... 

美素佳兒媽咪會送禮

前天收到美素佳兒媽咪會短訊, 問我會否有興趣索取2號奶粉試用裝.  雖然我小B是A+支持者, 不過一於少理, 實行有殺錯無放過...

結果美素佳兒真的好高效率, 於昨天中午就把一罐900g的2號奶粉送到我府上啦, 好闊綽呀~ 

最抵讚之BB會

眾多BB會當中...最多禮物寄到我府上的, 可算是雀巢BB會了, 讚!!

今次有3包米糊及Coupon之餘, 還有Buffet優惠呢, 呵呵~